કાનજીની વેબસાઈટ એટલી વિશાળ છે કે, કયા કયા નામ એમાં રાખું ?
વાંસલડી ડૉટ કૉમ, મોરપિચ્છ ડૉટ કૉમ, ડૉટ કૉમ વૃંદાવન આખું
કાનજીની વેબસાઈટ એટલી વિશાળ છે કે, કયા કયા નામ એમાં રાખું ?
ધારો કે મીરાંબાઈ ડૉટ કૉમ રાખીએ તો, રાધા રિસાય એનું શું ?
વિરહી ગોપીનું ગીત એન્ટર કરીએ ને, ક્યાંક ફ્લૉપી ભીંજાય એનું શું ?
પ્રેમની આ ડિસ્કમાં, એવી એવી વાનગી કે, કોને છોડું ને કોને ચાખું ?
ડૉટ કૉમ વૃંદાવન આખું …ડૉટ કૉમ વૃંદાવન આખું …!!
વાંસલડી ડૉટ કૉમ, મોરપિચ્છ ડૉટ કૉમ, ડૉટ કૉમ વૃંદાવન આખું ..!!
ગીતાજી ડૉટ કૉમ, એટલું ઉકેલવામાં, ઊકલી ગઈ પંડિતની જાત.
જાત બળી જાય છતાં ખ્યાલ ના રહે ને, એ જ માણે આ પૂનમની રાત.
તુલસી, કબીર, સુર.. નરસૈંયો થઈએ તો, ઊકલે છે કંઈક ઝાંખું ઝાંખું.
ડૉટ કૉમ વૃંદાવન આખું …ડૉટ કૉમ વૃંદાવન આખું …!!
વાંસલડી ડૉટ કૉમ, મોરપિચ્છ ડૉટ કૉમ, ડૉટ કૉમ વૃંદાવન આખું
એ જ ફક્ત પાસવર્ડ મોકલી શકે છે જેના, સ્ક્રિન ઉપર નાચે છે શ્યામ.
એને શું વાઇરસ ભૂંસી શકવાના જેનાં, ચીર પૂરી આપે ઘનશ્યામ ?
એ…. ઈન્ટરનેટ ઉપર એ થનગનતો આવે, હું કોઈ દિવસ વિન્ડો ના વાખું.
ડૉટ કૉમ વૃંદાવન આખું …ડૉટ કૉમ વૃંદાવન આખું …!!
ડૉટ કૉમ વૃંદાવન આખું …ડૉટ કૉમ વૃંદાવન આખું …!!
ડૉટ કૉમ વૃંદાવન આખું …ડૉટ કૉમ વૃંદાવન આખું …!!
ડૉટ કૉમ વૃંદાવન આખું …ડૉટ કૉમ વૃંદાવન આખું …!!
Saint Nagesh Sharma સંત નાગેશ संत नागेश
कोई टिप्पणी नहीं:
एक टिप्पणी भेजें
Please inform direct to admin if things are not proper